Måndag 06. mars 2023 vart Stad MDG oppretta som eige lokallag på eit år- og oppstartsmøte på Nordfjord Hotell. Det nye lokallaget vedtok mellom anna eit nytt lokallagsstyre, vedtekter og skal no jobba med å stilla liste til kommunevalet i 2023!

Vi i Stad MDG trur at det er mange i kommunen som deler våre verdiar og som ønskjer å vera med på å skapa ein grønare og meir berekraftig framtid. Vi oppmodar alle som deler verdiane våre om å bli med på laget. Anten du er oppteken av å redusera utsleppa av klimagassar, verna om naturen vår, eller arbeid for ein meir rettferdig og berekraftig utvikling i kommunen, så har du ein plass hos oss.

Vi trur at det er gjennom felles innsats og samarbeid at vi kan oppnå endring og skapa ei betre framtid for oss alle. Vi har ein visjon om ein grønare og meir rettferdig framtid, og vi håpar å kunna inspirera fleire til å bli med.